२२ असाेज, सप्तरी । नेकपा एमालेका नेता सुमनराज प्याकुरेलले पार्टीको नेतृत्ववर्गको निर्णय गर्ने क्षमतामा ह्रास आइसकेको बताएका छन् ।
सप्तरीको क्षेत्र नम्बर १ बाट प्रतिनिधि सभा सदस्य पदमा उम्मेदवारी दिने तयारी गरेका प्याकुरेलले अन्तिम समयमा आएर आफ्नो टिकट खोसिएपछी नेतृत्वप्रती आक्रोश पोखेका छन् ।
एमाले-जसपाबिच भएको चुनावी गठबंधन अनुसार सप्तरी-१ को भाग जसपालाई परेको छ ।
केहि महिनाअघि देखि नै निर्वाचनको तयारीमा रहेका प्याकुरेलले उम्मेदवारी दिन नपाउने भएपछि शनिबार सामाजिक संजाल फेसबुकमा स्टाटस लेख्दै सप्तरी-१ अरूलाई दिनु पार्टी कार्यकर्ताहरुको अबमुल्यन भएको बताएका छन् ।
‘सवाल व्यक्तिको नभइ आन्दोलनको हो । व्यक्ति बदल्न सकिन्थ्यो’ उनले भनेका छन्, ‘रिसिवी फेर्न जित्न सक्ने प्रचुर सम्भावना भएको क्षेत्र छाडने बाताबरण बनाईयो । साैतेनी व्यवहार गर्दै सिङ्गो टहुरो बनाईयो । सायद यस्तैलाई हेरेर बनेको किम्बदन्ती होला सौताको डाहाले पोईको काखामा आची गर्ने ।’
उनले अघि भनेका छन्-‘डर पाखण्डीहरुको हैन ,डर त जससलाई आदर्श मानेर हरेक तुफान संग लडियो उसको निर्णय क्षमतामा आएको ह्रासको हो।’
यहि नै अन्त्य नभएको, जीवन नसकिएको नेतृत्वलाई सहि निर्णयमा पुग्न बाधक कसिगंरहरु फाल्न झन दृढता र सकृयता पुर्वक लाग्ने प्रण पनि गरेका छन् ।
आक्रोशमा नआई धैर्य र सकृयता पुर्वक पार्टि निर्णयको पालना गर्दै, पार्टीको पक्षमा बहुमत ल्याई एमालेको बहुमतसहितको सरकार निर्माण गर्न चुनावी महासंग्राममा होमिन उनलेे सम्पूर्ण नेता/ कार्यकर्तासँग अपिल गरेका छन् ।
