जनकपुरधाम । नेकपा एमालेका मधेश प्रदेश कमिटी सदस्य डा. संजिव यादवसहित दुई दर्जन नेता कार्यकर्ता नेपाली काँग्रेसमा प्रवेश गरेका छन् ।
धनुषाको लक्ष्मीनियाँ गाउँपालिकामा बुधबार आयोजना गरिएको पार्टी प्रवेश कार्यक्रममा एमालेका युवा यादवसहितका एमाले कार्यकर्ता कांग्रेसमा प्रवेश प्रवेश गरेका हुन् ।
उनीसहित एमालेका दुई दर्जन बढी र जसपाका पनि केही नेता कार्यकर्तालाई काँग्रेसले पार्टीमा स्वागत गरेको छ । काँग्रेसबाट धनुषा क्षेत्र नं. ४ का प्रतिनिधी सभा सदस्य पदका उम्मेदवार समेत रहेका सहमहामन्त्री महेन्द्र यादव, काँग्रेसका धनुषा जिल्ला अध्यक्ष योगेन्द्र पजियार र ४ (क) का उम्मेदवार शेषनारायण यादवले नव प्रवेशीहरुलाई फूलमाला, अविर लगाएर स्वागत गरेका छन् ।
युवा नेता संजिव यादवले एमालेमा व्यक्तिवादी तानासाही हावी भएकाले आफू काँग्रेस प्रवेश गरेको बताए । उनले पार्टीमा खट्ने नेताकार्यकर्ताको मूल्यांकन हुने नगरेको, मधेशको नागरिकता समस्याप्रति एमाले बाधक बनेको लगायतको कारण एमालेप्रति वितृष्णा बढेको उनको भनाई छ ।
