मधेश सम्वाददाता
राजविराज, १५ बैशाख ।
सप्तरीको सुरुङा नगरपालिकास्थित कदमाहामा सञ्चालित रहेको मेरो माइक्रो फाइनान्स लघुवित्त बैंकका कर्मचारीले एक जना ऋणीको घरमा आगो लगाएको आरोप लागेको छ ।
नगरपालिकाको वडा नम्वर ३ लक्ष्मीपुर बस्ने सरस्वती सिंहले आफ्नो घरमा बैशाख ५ गते बिहान १० बजेर ३० मिनेटमा उक्त संस्थाका कर्मचारीहरुले आगो लगाइदिएको बताएका छन ।
समयमा उक्त संस्थाको ऋिण तिर्ण नसक्दा ९२ वर्षीय हजुर सासुआमा लालो देवी महतोलाई गाली गलोज गरी उनको २ थान भैसी खोलेर लग्ने क्रममा २÷३ जना महिलले बिडि (चुरोट) सल्काई आफनौ घरमा आगो लगाएको सरस्वतीको भनाई छ ।
उक्त आगलागी बाट करिब २४ लाख ३६ हजार बराबरको धनमाल नष्ट भएको सिंहले बताइन् । सो संस्था बाट क्षतिपुर्तीको उपलब्ध गराईदिन प्रहरीमा दिएको उजुरी र वडाको सिफारिस समेत देखाउदै यस्तौ कुरा बताएकी हुन् ।
लघुवित्तयका शाखा प्रवन्धक महादेब चौधरीले आगो नलगाएको बताउँदै भैसी चाहिँ नियन्त्रणमा लिएको बताए ।
०७८ असार ३ गते ५० हजार र ०७८ असोज ६ गते २ लाख गरी दुई पटक ऋण लिएकी सरस्वतीले २ लाखको १२ हजार ५ सयका दरले ५ वटा किस्ता र ६ हजारका दरले ५० हजारको ९ वटा किस्ता समेत बुझाई सकेको प्रबन्धक चौधरीको भनाई छ ।
