राजविराज । राष्ट्रपति रामचन्द्र पौडेलले प्रमाणीकरण गरेको नागरिकता विधेयक तत्काल कार्यान्वयन नगर्न सर्वाेच्च अदालतले दिएको आदेशबिरुद्ध सप्तरीका सत्तारुढ दलद्वारा प्रदर्शन गरिएको छ ।
सर्वाेच्चले पटक–पटक नागरिकता विधेयकलाई कार्यान्वयन नगर्न आदेश दिएर आवफ्नै देशका नागरिकलाई अनागरिक बनाउन खोजेको भन्दै सोमबार राजविराजमा प्रदर्शन गरिएको छ ।
स्थानीय शिब मन्दिर प्राङणबाट निकालिएको सत्तारुढ दलको बिरोध ¥याली नगरको बिभिन्न भाग परिक्रमा गर्दै जनआन्दोलनमा पुगी कोणसभामा परिणत भएको थियो । कोण सभामा बोल्दै बक्ताहरुले नागरिकता नहुँदा शिक्षित र योग्य युवाहरु केहि गर्न नपाएर छटपटाइरहेको बताए । उनीहरुले नागरिकता विधेयक कार्यान्वयनमा चाँडो नआए चरणबद्ध आन्दोलनमा उत्रने चेतावनी समेत दिए ।
सर्वाेच्चले सरकारले पटक–पटक ल्याएको विधेयक कार्यान्वयन नगर्न आदेश दिने र मुद्दालाई निष्कर्षमा नपु¥याउनु नागरिकताबिहीनलाई ज्यूँदै मार्ने काम गरेको बताए । नागरिकता नहुँदा धेरै युवा कुनै पनि काम गर्न नसकिरहेको भन्दै यो विधेयक तत्काल कार्यान्वयनमा ल्याउनुपर्ने उनीहरुको माग थियो ।
उक्त अवसरमा जनता समाजवादी पार्टी (जसपा) नेपालका जिल्ला अध्यक्ष केदार प्रसाद यादव, जनमत पार्टीका केन्द्रीय सदस्य सुरेन्द्र मधेशी, लोकतान्त्रिक समाजवादी पार्टी (लोसपा) का जिल्ला उपाध्यक्ष बौवालाल शर्मा, नेपाली कांग्रेसका जागेश्वर यादवसहितकाले बोलेका थिए ।
