राजविराज । सप्तरीका एक जना वडा अध्यक्ष घूस लिदैं गर्दा समातिएका छन् ।
जिल्लाको अग्निसाइर कृष्णसवरण गाउँपालिका वडा नम्बर ५ का अध्यक्ष सब्दुल मियाँ घूस लिदैं गर्दा मंगलबार रंगेहात पक्राउ परेका हुन् ।
भवन निर्मण सम्पन्न भएको सिफारिस दिने प्रयोजनको लागि सेवाग्राहीसँग घूस वापत रु ५० हजार लिदैं गर्दा अख्तियार दुरुपयोग अनुसन्धान आयोगको टोलीले मियाँलाई नियन्त्रणमा लिएको हो । आयोगको इटहरीस्थित कार्यालयबाट खटिएको टोलीले वडा अध्यक्ष मियाँलाई पक्राउ गरेको आयोगका प्रबक्ता भोला दाहालले जानकारी दिएका छन् ।
उक्त वडास्थित हिराबती आधारभूत विद्यालय बकधुवाको निर्माणधीन भवनको वडा कार्यालयबाट निर्माण सम्पन्न भएको सिफारिस दिनका लागि रु ५० हजार लिइरहँदा वडाअध्यक्षलाई पक्राउ गरिएको दाहालले बताए ।
उनलाई नियन्त्रणमा लिई अन्य अनुसन्धान गरिरहेको अख्तियारले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
