राजविराज । राजविराज नगरपालिका अन्तर्गत नेपाल कर्मचारी एशोसिएशन इकाई समितिले मासिक तथा दैनिक ज्यालादारीमा कार्यरत कर्मचारीलाई हटाउने भनी हालै गरिएको निर्णयमा पुर्नविचार गर्न माग गरेको छ ।
एशोसिएशनले आईतबार प्रेस बिज्ञप्ती जारी गर्दै नगरपालिकामा कार्यरत सम्पूर्ण मासिक तथा दैनिक ज्यालादारीमा कार्यरत कर्मचारीलाई सेवा प्रवाहबाट हटाउँदा कार्यालयको नियमित, दैनिक सेवा प्रवाहमा असर पर्न गई सेवाग्राहीलाई कठिनाई भइरहेको जनाएको छ ।
एशोसिएशनका अध्यक्ष कल्पना देवले जारी गरेको बिज्ञप्तीमा नगर कार्यपालिकाको यो निर्णयले विगत लामो समयदेखि कामकाज गर्दै आएका कर्मचारीको शीप, दक्षता, कार्ययोग्यता र कार्यअवधी समेतलाई मध्यनजर नगरी जीवनयापनको आधारमा समेत असर पारिएको उल्लेख गरिएको छ ।
‘उक्त निर्णयप्रति इकाई समितिको घोर भत्र्सना गर्दछ’ बिज्ञप्तीमा भनिएको छ, ‘उक्त निर्णयमा पुनःविचार होस् ।’
