राजबिराज । विश्व रक्तदाता दिवसको अवसरमा बुधबार सप्तरीमा आयोजना गरिएको एक कार्यक्रममा ३६ जना सुरक्षाकर्मीले रक्तदान गरेका छन् ।
जिल्लाको रुपनी गाउँपालिकास्थित मधेश प्रदेश प्रहरी अस्पताल (ठाको देवी–जोगेन्द्र भगत) मा विश्व रक्तदाता दिवस २०८० को उपलक्ष्यमा आयोजना गरिएको कार्यक्रममा ३६ जना प्रहरी, सशस्त्र प्रहरी र नेपाली सेनाका कर्मचारीले रक्तदान गरेका हुन् ।
रक्तदान गर्नेमा प्राविधिक प्रहरी निरीक्षक डा.प्रिति मिश्र र डा. पवन कुमार रौनियार, प्रहरी वरिष्ठ नायव निरीक्षक (वरिष्ठ सई) खडगबहादुर आचार्य, प्रहरी नायव निरीक्षक (सई) सुरज खबास, प्रहरी वरिष्ठ नायव निरीक्षक खडगबहादुर आचार्य, प्रहरी सहायक निरीक्षक (असई) देबअबतार चौधरी, गायत्री दाहाल, अखिलेश कुमार कलबार, प्रहरी वरिष्ठ हबल्दार सुरेन्द्र कुमार लम्साल, प्रहरी सहायक हबल्दार भोगेन्द्र यादव, प्रहरी जवान सन्तोष लिम्बु, विजय महतो, बलराम कुमार यादव, सुजित मण्डल छन् ।
यस्तै, प्रहरी सहायक हबल्दार अनिल थापा, उत्तम थापा मगर, प्रहरी वरिष्ठ हबल्दार सुनिल कुमार सिंह, प्रहरी जवान राजकिशोर कुमार महतो, विवेक लम्जेन, ऋषिकान्त यादव, ललित कुमार यादव, सूर्यबहादुर चोसाल, सुजन खड्का र डा. कंचन यादवले पनि रक्तदान गरेका छन् ।
त्यस्तै सशस्त्र प्रहरी सहायक निरीक्षक नारायण प्रसाद पहाडी, जयबहादुर खडका, सुवास तामांग, सशस्त्र प्रहरी जवान नरेन्द्र खत्री, डिल्ली दाहाल तथा नेपाली सेनाका हुद्दा बालकृष्ण खत्री, भवानसिंह धामी, हेमन्त मल्ल, अमल्दार शोभान नाथ, सिपाही, बिनोद प्रधान, सुमन दास र सुदेश तामांगले रक्तदान गरेको मधेश प्रदेश प्रहरी अस्पतालका प्रमुख एसपी डा. नवीन चौधरीले जानकारी दिए ।
संकलन भएको ३६ पाउण्ड रगत नेपाल रेडक्रस सोसाइटीको जिम्मा लगाइएको उनले बताए ।
