राजविराज । राजविराजस्थित मैथिली साहित्य परिषद्काे अध्यक्षमा अवधेश झा निर्वाचित भएका छन् ।
शनिबार सम्पन्न भएको निर्वाचनको शनिबारै भएको अन्तिम मत परिणाम अनुसार झा ५२ मतले निर्वाचित भएका हुन । २५८ मत ल्याएर अवधेश निर्वाचित हुँदा अध्यक्ष पदका अर्का उम्मेदवार अजय झाले २०६ मत प्राप्त गरे ।
निर्वाचित अवधेश पत्रकार समेत हुन ।
यस्तै, उपाध्यक्षमा अवधेश प्यानलबाटै राजकुमार लाल दास २४६ मत ल्याएर निर्वाचित हुँदा अर्का उम्मेदवार किर्तिनारायण देवले २०३ मत प्राप्त गरेका छन् ।
सचिवमा संजीवनारायण यादव २६७ मत ल्याएर विजयी हुँदा अर्का उम्मेदवार रामअधीन साहले १८५ मत ल्याए ।
सह सचिवमा अजय प्यानलबाट ललिता झा २८३ मतका साथ विजयी हुँदा अर्का उम्मेदवार भिमशन्कर देवले १७४ मत ल्याए ।
काेषाध्यक्षमा शाेभिता दास २५१ मत ल्याएर निर्वाचित हुँदा अर्का उम्मेदवार बरूण कर्ण १९१ मत प्राप्त गरेका छन् ।
सदस्यमा राजिव कुमार झा ३१९, पंकज झा ३१६, रमिला साह ३१२, गजेन्द्र कुुमार मण्डल ३१०, रवी कुमार राय २९६ र अजित कुमार ठाकुर २९४ मत ल्याएर विजयी भएकाे निर्वाचन समितिका संयाेजक श्यामसुन्दर झाले जानकारी दिए ।
