राजविराज । राजविराज नगरपालिकाकाे हटियाभित्र अतिक्रमण गरिएको जग्गालाई वैधता दिन कार्यवाहक मेयरले कार्यपालिकाकै बैठकलाई उल्ट्याएको पाइएको छ ।
कार्यपालिकाको गत मंसिर २९ गते बसेको बैठकले हटियाभित्रको अतिक्रमित जग्गा खाली गर्ने सर्वसम्मतिले निर्णय गरेको थियोे ।
तर, त्यहीँ कार्यवाहक मेयर इसरत परबिनले आफ्नै नेतृत्वको कार्यपालिका बैठकको निर्णय उल्ट्याउदै जग्गा अतिक्रमण गर्नेहरुका लागि सारथीको रुपमा उभिएकी छन् ।
राजविराज हटियामा बर्सौदेखी जमिन अतिक्रमण गरिएको छ । त्यसैलाई मध्यनजर गर्दै नगरपालिकाको कार्यपालिका बैठकले अतिक्रमण हटाउने निर्णय गरेको थियो ।
हटियामा अहिले सटरहरु निर्माण भैरहेको छ । ती सटर वरिपरि धेरै ब्यक्तिले हटियाको जग्गा अतिक्रमण गरेका छन ।
यो अतिक्रमण हटाएर नाला निर्माण गर्ने कार्यपालिका बैठकको म्यान्डेड थियो हटिया रहेको वडा नम्बर ७ का वडा अध्यक्ष सुभाष यादव भन्छन्, ‘तर कार्यवाहक मेयरले पहिला नाला नै निर्माण गर्ने सहमति दिएर अतिक्रमित जग्गालाई बैध्यता दिन खोजनुभयो ।’
कार्यपालिकाको बैठक विपरीत परबिनले निमित्त प्रमुख प्रशासकीय अधिकृत भोगेन्द्र यादव मार्फत सघन शहरी तथा भवन निर्माण आयोजनालाई पहिला नै नाला निर्माण गर्न पत्र पठाउन लगाएकी छन् । पत्र अनुसार ६ मिटर सडक र १ मिटर नालाको निर्माण कार्य यथाशिघ्र गराईदिन अनुरोध गरिएको छ ।
‘हटियामा धेरै अतिक्रमण गरिएको छ, हामिले त्यो हटाएर नाला निर्माण गर्ने भनेर कार्यपालिका निर्णय गरेका थियौ’ नगरपालिकाका प्रबक्ता समेत रहेका वडा अध्यक्ष जयनारायण मण्डलले भने, ‘ कार्यवाहक मेयरले गड्बड गर्नुभएको छ । यो हाम्रो लागि सहय हुदैन
