राजविराज । सप्तरीमा मिटरव्याज सम्बन्धी ८१ वटा निवेदन टुँगिएको छ । केहि दिन यता दैनिक रुपमा छलफल चलाइरहेको प्रशासनले ८१ वटा निवेदन फछ्र्याैट भएको जनाएको छ ।
सप्तरीमा मिटरव्याज सम्बन्धी १ हजार ५७९ वटा निवेदन परेको छ । निवेदन उपर जिल्ला प्रशासन कार्यालयमा दैनिक छलफल भइरहेको प्रमुख जिल्ला अधिकारी भूपेन्द्र थापाले जानकारी दिए । ‘अहिले दुई ठाउँमा राखेर छलफल भइरहेको छ’ उनले भने, ‘छिटोभन्दा छिटो मुद्दा टुँगियोस् भन्ने हाम्रो चाहना छ ।’
मिटर व्याज पीडितले दिएको निवेदनको आधारमा पीडित र पीडक समेतलाई बोलाएर छलफल गर्ने गरिएको छ । पीडित र पीडकको तर्फबाट १÷१ जना, जिल्ला प्रशासन कार्यालयका एक जना र जिल्ला प्रहरी कार्यालयका एक जना राखेर छलफल चलाइएको प्रमुख जिल्ला अधिकारी थापाले बताए ।
आवश्यक पर्दा मालपोत, नापीका कर्मचारीलाई पनि छलफलमा सहभागी गराइने गरेको उनले बताए । हालसम्म ८०३ पटक छलफल भइसकेको थापको भनाई छ ।
उनका अनुसार ८१ वटा निवेदन फछ्र्याैट हुँदा रु ४ करोड ७६ लाख पीडितले साहूलाई तिरेका छन् ।
यस्तै, रु २ करोड ८८ लाख ४४ हजारको तमसुक च्यातिएको छ भने १२ बिघा १२ कठ्ठा १६ धुर जग्गा पीडितलाई फिर्ता भएको उनले बताए ।
