राजविराज । सप्तरीको बिष्णुपुर गाउँपालिकाका अध्यक्ष उमेश यादवलाई अख्तियार दुरुपयोग अनुसन्धान आयाेगले नियन्त्रणमा लिएको छ ।
घुस रकमसहित पक्राउ परेका गाउँपालिकाका लेखापाल र कम्प्युटर अपरेटरको बयानको आधारमा अध्यक्ष यादवलाई नियन्त्रणमा लिइएको अख्तियार श्रोतले जनाएको छ ।
अध्यक्ष यादवलाई नियन्त्रणमा लिई ईटहरी लगिएपनि बिरामी परेपछि काठमाडौं लगिएको छ ।
गत ३१ साउनमा गाउँपालिकाका लेखापाल टेकनारायण यादव र कम्प्युटर अपरेटर वीरेन्द्र यादवलाई राजविराजको गजेन्द्र चौकबाट २ लाख रुपैया नगद र ३ लाखको चेकसहित अख्तियारको टोलीले नियन्त्रणमा लिएको थियो । पक्राउ परेका यी दुबैले अध्यक्षकै इसारामा घुस लिएको बयान दिएका छन् । सोही सन्दर्भमा सोधपुछका लागि अध्यक्षलाई नियन्त्रणमा लिएको अख्तियारले जनाएको छ ।
यो खबर पढेर तपाईलाई कस्तो महसुस भयो ?
+1
1
+1
+1
+1
3
+1
+1
1
+1
