शैलेन्द्र कुमार सिंह
राजविराज । सप्तरी प्रहरीले दुई जनालाई लुट्दै अपहरण गरेको आरोपमा एक जनालाई पक्राउ गरेको छ ।
पक्राउ पर्नेमा राजविराज नगरपालिका वडा नम्बर १ बस्ने अजय कुमार दास रहेको प्रहरीले जनाएको छ ।
आफ्नो व्यवसायीक कामको सिलसिलामा राजविराज आएका धरानका एकजना महिला र पुरुष घर फर्कने क्रममा म्याजिक चढि रुपनि तर्फ जाँदै गरेको अवस्थामा २९ साउनको दिउँसो ४ बजे रुपनी गाउँपालिका ५ स्थित युनिक अस्पताल नजिकबाट मोटरसाइकलमा आएका केही व्यक्तिहरुले धाकधम्की दिई उनीहरुको साथमा रहेको रु ९७ हजार नगद लुटेका थिए । साे समूहले धरानमा रहेका महिलाका पतिलाई सोही समयमा फोन गरी मोवाइल बैंकिङ मार्फत थप रु १ लाख रकम फिरौति मागेका थिए । फिरौति रकम प्राप्त भएपछी ती व्यक्ति घटनास्थलवाट फरार भएकाे प्रहरीको भनाई छ ।
उक्त घटनामा संलग्न रहेको भन्दै दासलाई पक्राउ गरिएको सप्तरी प्रहरीका प्रबक्ता एवं डिएसपी नरेश कुमार सिंहले जानकारी दिए ।
दासविरूद्वअपहरण,शरीर बन्धक तथा डाका मुद्दामा थप अनुसन्धान भैरहेको प्रहरीले जनाएको छ ।
