राजविराज । सप्तरी उद्योग बाणिज्य संघले जिल्लामा नव आगन्तुक प्रमुख जिल्ला अधिकारी (सीडीओ) सहित अन्य सुरक्षा अधिकारीलाई सम्मान गरेको छ ।
शुक्रबार एक कार्यक्रमको आयोजना गरी संघले नव आगन्तुक प्रमुख जिल्ला अधिकारी किरण थापा, अनुसन्धान आयाेगका उप निर्देशक सुरेन्द्र कोइराला र नेपाली सेनाको राजविराजस्थित बरख गणका गणपति रमेश पाण्डेलाई स्वागत र सम्मान गरेको हाे ।
कार्यक्रममा उद्योग बाणिज्य संघका जिल्ला अध्यक्ष लालु प्रसाद अग्रवाल र नेपाल उद्योग बाणिज्य महासंघका केन्द्रीय सदस्य अरूण प्रधानले माला, गम्छा र अबिर लगाएर स्वागत गरे ।
कार्यक्रमलाई सम्बोधन गर्दै प्रमुख जिल्ला अधिकारी थापाले सप्तरीको प्रगति हुने गरि काम गर्ने बताए । उनले जिल्लाको प्रगति भए त्यसको हिस्सेदार आफू पनि बन्ने बताए ।
सबैलाई कानुन अनुसार काम गर्नुपर्ने बताउँदै कानुन विपरीत हिड्नेबिरुद्द निर्मम तरिकाले प्रस्तुत हुने बताए । उनले नियम अनुसारको हरेक सहयोग गर्न तयार रहेको बताए ।
