राजविराज । चामलको बोराभित्र लागूऔषध बरामद भएको छ । यसरी लागूऔषध भित्र्याउने दुई जना पक्राउ परेका छन् ।
भारतीय सीमा क्षेत्र हुँदै पूर्व पश्चिम राजमार्गतर्फ आइरहेको स. १ ह ३६८६ नम्बरको अटोलाई बलान बिहुल गाउँपालिका १ मा रोकेर चेकजाँच गर्दा दुई वटा बोरामा रहेको चामलको बीचमा तीनवटा प्लास्टिकको झोलामा राखिएको अवस्थामा लागूऔषध भेटिएको प्रहरीले जनाएको छ ।
चामलको बोराभित्रबाट डाइजेपाम १ हजार १ सय ७५ एम्पुल, फेनारगन १ हजार १ सय ७५ एम्पुल र वुप्रेन १ हजार सय ७५ एम्पुल बरामद भएको प्रहरीको भनाई छ ।
लागूऔषध बरामद भएपछि अटो चालक राजेन्द्र राम र अटोमा चामल बोरा राख्ने हरिहर यादवलाई पक्राउ गरिएको जिल्ला प्रहरी कार्यालय, राजविराजले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
3
+1
1
+1
