राजविराज । गणेशमान सिंहको २६ औं स्मृति दिवस सप्तरीमा पनि मनाइएको छ ।
नेपाली काँग्रेस सप्तरीले सिंहको स्मृति दिवसको अवसर पारेर मंगलबार विचार गोष्ठीको आयोजना गरेको छ ।
राजविराजस्थित जिल्ला पार्टी कार्यालयमा आयोजित कार्यक्रमका बक्ताहरुले स्व. सिंहको योगदानको बिषयमा चर्चा गरेका थिए । उनीहरुले निःस्वार्थ नेताको रुपमा आफ्ना छबि बनाएका नेता सिंह कुनै पदको लालसा समेत नगरेको बताए ।
बक्ताहरुले अहले पदका लागि मरिहत्ते गर्नेहरुले स्व. सिंहको इतिहासबाट पाठ सिक्नुपर्ने बताउँदै राजनीति स्वार्थरहित हुनुपर्नेमा जोड् दिए ।
पार्टी सभापति रामदेव साहको अध्यक्षता र मधेश प्रदेश सहमहामन्त्री विन्दु यादवको प्रमुख आतिथ्यमा आयोजित कार्यक्रममा कार्यक्रममा पार्टी उपसभापति रामकुमार यादव, संगठन विभाग प्रमुख बद्री महात्मान, नेपाल प्रेस युनियन सप्तरीका अध्यक्ष बिनय कर्ण, स्वास्थ्यकर्मी संघका अध्यक्ष शिवनारायण चौधरी, निजामती कर्मचारी युनियनका अध्यक्ष सुधिरकान्त झा, नेवि संघ सप्तरीका सभापति राकेश ठाकुर, पूर्व स्वबियु सभापति रामचन्द्र यादवसहितका बक्ताले गणेशमानको जीवनीको बिषयमा बोलेका थिए ।
