राजविराज ।६८ औं प्रहरी दिवस सप्तरीमा पनि मनाइएको छ ।
मधेश प्रदेश प्रहरी तालिम केन्द्र जनकपुर सम्पर्क कार्यालय राजविराज र जिल्ला प्रहरी कार्यालय, सप्तरीको संयुक्त आयोजनामा मंगलबार कार्यक्रमको आयोजना गरिएको छ ।
मधेश प्रदेश प्रहरी तालिम केन्द्र जनकपुर सम्पर्क कार्यालय राजविराज र जिल्ला प्रहरी कार्यालय, सप्तरीको संयुक्त आयोजनामा मंगलबार कार्यक्रमको आयोजना गरिएको छ ।
कार्यक्रमका बक्ताहरुले प्रहरीले ल्याएको आफ्नै नारा सार्थक बनाउनुपर्ने बताए । इमान्दार भएर प्रहरीले काम गर्नुपर्ने बक्ताहरुको भनाई थियो ।
प्रमुख जिल्ला अधिकारी किरण थापाले अहोरात्र खटेर जनताका निम्ति प्रहरीले गरिरहेको कामको प्रशंसा गरे । उनले इमान्दारीपूर्वक काम गर्न प्रहरीलाई सुझाव दिए ।
नेपाल पत्रकार महासंघ, सप्तरीका अध्यक्ष श्रवणकुमार देवले जिल्लामा शान्तिसुरक्षा प्रदान गर्नका निम्ति प्रहरीले काम गरिरहेपनि पछिल्लो पटक जिल्लामा भएका हत्याका घट्ना उजागर हुन नसक्नु चिन्ताको बिषय भएको बताए ।
उनले एक बर्षभित्र आधा दर्जन पत्रकार प्रहरीबाट कुटपिट र दुव्र्यबहारको शिकार भएको बताउँदै उनले आगामी दिनमा यस किसिमको व्यबहार सच्याउनुपर्ने बताए ।
कार्यक्रममा सप्तरीका प्रहरी प्रमुख एसपी गजुसिद्धि बज्राचार्यले प्रहरी महानिरीक्षकको सन्देश वाचन गरेका थिए ।
त्यस अवसरमा अमर प्रहरीको स्तम्भमा माल्र्यापण गरिएको थियो भने उत्कृष्ट प्रहरी कर्मचारी र अमर प्रहरीका परिवारलाई पुरस्कृत तथा सम्मान गरिएको थियो ।
पालिका प्रमुखले गरे बहिष्कार
प्रहरी दिवसको अवसरमा आयोजित कार्यक्रमको सप्तरीका पालिका प्रमुखहरुले बहिष्कार गरेका छन् ।
प्रमुख जिल्ला अधिकारी किरण थापालाई कार्यक्रमको प्रम्ख अतिथी बनाएपछि उनीहरुले कार्यक्रम बहिष्कार गरेका हुन् । जिल्ला समन्वय समितिका प्रमुख र नगरपालिकाका मेयर प्रमुख जिल्ला अधिकारीभन्दा पदीय दायित्वमा माथि भएपनि जनप्रतिनिधीलाई हेपेर प्रमुख अतिथी बनाइएपछि आफूहरु कार्यक्रममा सहभागी नभएको उनीहरुले बताएका छन् ।
‘जनप्रतिनिधीलाई हेपेर सीडीओलाई प्रमुख अतिथी बनाइयो’ रुपनी गाउँपालिकाका अध्यक्ष दिनेश कुमार यादवले भने, ‘यहीं भएर हामी कोहि पनि कार्यक्रममा सहभागी भएनौं ।’
