आमेन्द्र यादव
राजविराज । सप्तरी कारागारका एक कैदीको मृत्यु भएको छ ।
मृत्यु हुनेमा राजविराज नगरपालिका वडा नम्बर १५ निवासी नन्दलाल मण्डल छन् ।
कारागारमा बिरामी भएका उनलाई उपचारका निम्ति राजविराजस्थित गजेन्द्रनारायण सिंह अस्पतालमा ल्याउनेबित्तिकै चिकित्सकले मृत घोषणा गरेको उनको कारागार श्रोतले जनाएको छ ।
६७ बर्षका मण्डल गत असाेजदेखि कारागारमा कैद जीवन भुक्तान गर्न शुरु गरेका थिए । कर्तव्य ज्यान मुद्दामा कैद भुक्तान शुरु गरेका उनलाई १ बर्षको कैद तय गरिएको थियो ।
मृतकका छोरा केशवले कारागार प्रशासनको लापरबाहीले आफ्ना पिताको मृत्यु भएको बताए । उनले बिरामी परेका आफ्ना पितालाई तत्कालै उपचार गराउनुपर्नेमा नगरेका कारण मृत्यु भएको बताए ।
यो खबर पढेर तपाईलाई कस्तो महसुस भयो ?
+1
+1
+1
+1
1
+1
+1
+1
