राजविराज । जनता समाजवादी पार्टी (जसपा) नेपाल, सप्तरीको गठन भएको अर्को समितिका पदाधिकारीले बुधबार सपथ ग्रहण गरेका छन् ।
पार्टीका असन्तुष्टहरुको २२ कात्तिकमा राजविराजमा भएको भेलाले अर्काे समिति गठन गरिएको थियो । पार्टीका मधेश प्रदेश समितिका प्रतिनिधि पर्शुराम यादवले पदाधिकारीलाई सपथ गराए ।
राजविराज नगरपालिका ९ स्थित राधाकृष्ण मन्दिर धर्मशालामा आयोजित कार्यक्रमकाबीच उनीहरुलाई सपथ गराइएको हो ।
सपथ ग्रहणपछि बसेको बैठकले तदर्थ समितिमध्येबाट १५ सदस्यीय कार्यकारिणी समिति बनाइएको छ ।
तदर्थ समितिका संयाेजक समेत रहेका उमेश यादवकै संयाेजकमा कार्यकारिणी समिति बनाइएको छ । समितिमा निलेश झा, दयानन्द गोइत, निरज मुक्ति, उमेश यादव, सन्जय मिश्र, गुल्जारीदेवी यादव, जीबछ मन्डल, शक्ति यादव, ब्रहमदेब साह, रामसागर यादव, चन्द्रनारायण यादव, श्यामानन्द चाैधरी सदस्य छन् ।
शपथ ग्रहण समारोहमा पार्टी नेतृ रेणु यादव, मधेश प्रदेशका पुर्व मन्त्री शैलेन्द्र साहसहितको उपस्थिति थियो ।
