जसपाको नयाँ समितिद्वारा प्रदेशका मुख्य सचिवलाई निष्कासन गर्न सिफारिस

राजविराज । जनता समाजवादी पार्टी (जसपा) सप्तरीमा बनेको छुट्टै समितिले पार्टीका मधेश प्रदेशका मुख्य सचिवलाई कार्वाहीको सिफारिस गरेको छ ।
बुधबार शपथ ग्रहणपछि बनाइएको कार्यकारिणी समितिको बसेको बैठकले प्रदेशका मुख्य सचिव दिनेश यादवलाई कार्वाही गर्न प्रदेश समितिलाई सिफारिस गर्ने निर्णय गरेको सदस्य निलेश झाले जानकारी दिए ।प्रदेशका स्थानीय तह र प्रदेश तथा प्रतिनिधि सभाको चुनावमा अन्तर्घात गरेको, विपक्षीलाई जिताउन सहयोग गरेकाले पार्टीबाट निष्कासन गर्न प्रदेश समितिलाई सिफारिस गर्ने निर्णय गरिएको उनले बताए ।
बैठकले यसअघि गलत मनसायले केही नेता उपर कार्वाही गरिएको भन्दै ती नेताको कार्वाही फिर्ता लिने निर्णय गरेको छ ।