राजविराज । सप्तरी युथ नेपालले सरकारले घोषणा गरेको रामराजा स्वास्थ्य विज्ञान प्रतिष्ठान निर्माणतर्फ कुनै चासो नदेखाएको भन्दै आन्दोलन घोषणा गरेको छ ।
युथ नेपालको शनिबार बसेको बैठकले समिति गठन गर्दै आन्दोलनको घोषणा गरेको हो ।
बैठकले सत्येन्द्र यादवको संयोजकत्वमा आन्दोलन समिति बनाइएको छ । समितिमा मुस्तकिम आलम, अनिल कुमार यादव, सुरज कुमार यादव, संजय कुमार साह, राकेश कुमार यादव, लालु ठाकुर, रोशन साह, श्याम माझी, ओम कर्ण र एकबाल हुसैनलाई सदस्यमा राखिएको छ ।
आन्दोलन अनुसार मंसिर १० गते आईतबार जिल्ला प्रशासन कार्यालय मार्फत् प्रधानमन्त्रीलाई ज्ञापन बुझाउने, ११ गते सोमबार ¥याली प्रदर्शन गर्ने, १२ गते मंगलबार सिटी जुलुस प्रदर्शन गर्ने, १३ गते बुधबार दिउँसै टर्च बालेर नेता तथा सांसदको खोजी गर्ने, १४ गते बिहीबार जिल्ला प्रशासन कार्यालयको मूल गेटमा १ घण्टा धर्ना दिने र १५ गते शुक्रबार–जिल्ला प्रशासन कार्यालयको मूल गेटमा २ घण्टा धर्ना दिने ।
एक हप्ते आन्दोलनपछि पनि सरकार गम्भीर नभए बैठक बसेर पुनः अर्काे चरणको आन्दोलन घोषणा गर्ने सप्तरी युथका कार्यबाहक अध्यक्ष मोहन यादवले बिज्ञप्ती जारी गर्दै बताएका छन् । ‘यो आन्दोलन समग्र सप्तरीबासीको भएकाले यसमा सहयोग गरिदिनहुन जिल्लाका राजनीतिज्ञ, बुद्धिजिवी, शिक्षक, विद्यार्थी, अधिकारकर्मी, संचारकर्मीसहित सबैसँग हार्दिक अनुरोध गर्दछौं’ बिज्ञप्तीमा भनिएको छ ।
