राजविराज । जनता समाजवादी पार्टी (जसपा) का डाक्नेश्वरी नगर समिति उपाध्यक्ष ओमप्रकाश यादवले आफ्नो चरित्र हत्या गरेको बताएका छन् ।
मंगलबार राजविराजमा पत्रकार सम्मेलन गर्दै यादवले एक अनलाइनले आफूलाई तस्कर भनेर बिना आधार र प्रमाण समाचार प्रकाशन गरी आफ्नो चरित्र हत्या गर्न खोजेको बताए ।
‘बिना आधार र प्रमाण समाचार लख्नु पत्रकारिताको धर्म होइन्’ यादवले भने, ‘म तस्कर हो भने प्रमाण दिन चुनौति दिन्छु ।’
बिना तथ्यकै आधारमा आफ्नो फोटो समेत हालेर प्रकाशन गरेको भन्दै यादवले आफूसँग कुनै प्रतिकृया समेत नलिनु अपराध भएको बताए । ‘मेरो राजनीतिक जीवन बर्बाद गर्नका लागि षडयन्त्रपूर्वक मेरा चरित्र हत्या गरिएको छ’ उनले भने, ‘ती अनलाइनबिरुद्ध प्रेस काउन्सिल नेपाल र आम संचार प्राधिकरणमा उजुरी समेत दिएको छु ।’
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
