राजविराज । सप्तरीको कंचनरुप नगरपालिकामा नादमय वेदमय श्रीमद् भागवत महापुराण ज्ञान महायज्ञ हुने भएको छ ।
नादानुसन्धान सामुदायिक भवन निर्माणार्थ यो ज्ञान महायज्ञको आयोजना गर्न लागिएको आयोजक भागवत कथा ज्ञान महायज्ञ समितिले जनाएको छ ।
कंचनरुप नगरपालिकाको वडा नम्बर ३ स्थित बरझिया फिल्डमा आज (बिहीबार) देखि यो ज्ञान महायज्ञ शुरु हुँदैछ । आगामी चैत ९ गतेसम्म चल्ने महायज्ञमा सन्त सम्मेलन एवं कृष्ण लीला तथा सदगुरु कबीर लीलाको समेत आयोजना गरिने आयोजकले जनाएको छ ।
महायज्ञमा नादाचार्य वेदान्ततीर्थ र स्वामी मुरलीधरानन्द साहेबले कथा प्रवचन गर्नेछन् । महायज्ञमा भाग लिन भारतको अयोध्याबाट सनातन धर्म परिषद्का महासचिव अमर बहादुर तिबारी समेत आउने आयोजकका अध्यक्ष स्वामी मुरलीधरानन्द साहेबले जानकारी दिए ।
महायज्ञ शुरु हुनुभन्दाअघि बिहान कलश यात्रा र दिउँसो २ बजे उद्घाटन राखिएको छ । महायज्ञमा सरिक हुन र सहयोग गर्न आयोजकले सबैसँग आग्रह गरेको छ ।
