राजविराज । बागेश्वरी सेवा समिति, राजविराजकाे ११ जना संरक्षक सदस्य थिपएका छन् । नयाँ संरक्षक सदस्य सबै काठमाडौंबाट बनेका हुन् ।
राजविराजबाट काठमाडौं आएका एक प्रतिनिधि मण्डलकाे टाेलीकाे पहलमा ११ जना संरक्षक सदस्य थप भएको संस्थाका अध्यक्ष ई इन्द्रनारायण देवले जानकारी दिए ।
देव जातकाे उत्थान तथा कुरूतिविरूद्व ४ दशकअघि स्थापना गरिएको याे संस्थाकाे संरक्षक सदस्य बन्न रू १ लाख शुल्क बुझाउनुपर्छ ।
काठमाडौमायो संस्थाको आजिवन सदस्य १८ जना थपिएका छन् । आजिवन सदस्य बन्न ७ हजार शुल्क बुझाउनुपर्छ ।
याेसँगै संस्थामा संरक्षक सदस्य ३२ र आजिवन सदस्यकाे संख्या १७२ पुगेको संस्थाका सल्लाहकार राधेश्याम रमणले जानकारी दिए ।
यस्तै बागेश्वरी मन्दिरमा हुने पुजा खर्चको जिम्मा काठमाडौमा बस्ने १३ जनाले जिम्मा लिएका छन् । राजविराजस्थित यो मन्दिरमा पुजा गर्न प्रति महिना रु ७ हजार ५ सय खर्च लाग्ने गर्दछ ।
राजविराजबाट संस्थाका अध्यक्ष इन्द्रनारायण देव, उपाध्यक्ष योगेन्द्र प्रसाद देव, पूर्व अध्यक्ष राधेश्याम रमण,
सल्लाहकार डी सचिन्द्र कुमार देव र सदस्य मीरा देवकाे टाेली काठमाडौं आएर घरदैलो कार्यक्रम गरेपछि सदस्यको संख्यामा वृद्धि भएको हो ।
