राजविराज । पुष्पकमल दाहाल ‘प्रचण्ड’ को प्रधानमन्त्री पद गुमेको छ ।
शुक्रबारको प्रतिनिधीसभामा दाहालले विश्वासको मत पाउन नसकेपछि उनको पद गुमेको हो ।
दाहालले विश्वासको मत माग्दा पक्षमा ६३ मत मात्रै प्राप्त भएको छ । विपक्षमा १९४ मत प्राप्त भयो । एक सांसद तटस्थमा बसे । दाहाललाई आफ्नो पार्टी नेकपा माओवादी केन्द्र, राष्ट्रिय स्वतन्त्र पार्टी, नेकपा एकीकृत समाजवादी पार्टीका सांसदले पक्षमा मतदान गरेका हुन् ।
शुक्रबारको बैठकमा २९८ जना सांसद उपस्थित थिए ।
दुई ठूला दल नेपाली कांग्रेस र नेकपा एमालेबीच सरकार बनाउने सहमति भएपछि प्रधानमन्त्री दाहालले शुक्रबार विश्वासको मत मागेका थिए ।
यो खबर पढेर तपाईलाई कस्तो महसुस भयो ?
+1
+1
+1
+1
1
+1
+1
+1
