राजविराज । प्रथम जननिर्वाचित प्रधानमन्त्री बि.पि कोइरालाको ४२औं स्मृति दिवसको अवसरमा आईतबार सप्तरीमा पनि विविध कार्यक्रमको आयोजना गरिएको छ ।
नेपाली कांग्रेस, सप्तरीद्धारा राजविराजस्थित गजेन्द्रनारायण सिंह अस्पतालमा बृक्षारोपण र पार्टी कार्यालयमा विचार गोष्ठीको आयोजना गरिएको छ । अस्पतालमा आईतबार बिहान गएर कांग्रेस नेता तथा भ्रातृ संगठनका नेताहरुले बृक्षारोपण गरे ।
अस्पतालमा आँप, लिची, अमलासहितका बिरुवा रोपिएको नेपाली कांग्रेसका जिल्ला सचिव सनत मण्डलले जानकारी दिए ।
बृक्षारोपणपछि पार्टी कार्यालयमा आयोजित विचार गोष्ठीमा बोल्दै बक्ताहरुले बिपि कोइरालाले प्रजातन्त्र स्थापनाका लागि पु¥याएको योगदानको प्रशंसा गरे । उनीहरुले बिपि कोइरालाले देखाएको बाटोमा नेताहरु नहिंडेका कारण देशमा पटक–पटक समस्या आउने गरेको बताए ।
कांग्रेस सप्तरीका सभापति रामदेव साहको अध्यक्षता तथा पार्टीका प्रदेश सह महामन्त्री बिन्दु याादवको प्रमुख आतिथ्यमा आयोजित विचार गोष्ठीमा बिभिन्न नेताले बिपि कोइरालाले पु¥याएको गोगदानबारे चर्चा गरेका थिए ।
