आमेन्द्र यादव
राजविराज । श्रीकृष्णाजन्मष्टमीको अवसर पारेर मंगलबार राजविराजमा रथ यात्रा निकालिएको छ । दिउँसो निकालिएको रथयात्रामा उल्लेख्य सहभागिता थियो ।
राजविराज ९ स्थित कृष्ण मन्दिरबाट निकालिएको रथयात्रा नगरको बिभिन्न भाग परिक्रमा गरेको छ । रथयात्रामा बिभिन्न पालिकाका जनप्रतिनिधीसहित सर्वसाधारणको उल्लेख्य सहभागिता थियो ।
भगवान श्रीकृष्णको जयजयकार गर्दै जय श्रीराम, हर हर महादेवको नारा लगाउँदै निकालिएको रथयात्रामा बालबालिकादेखि वृद्धवृद्धासम्मको सहभागिता थियो ।
झाँकीसहित निकालिएको रथयात्रामा युवाहरु मोटरसाइकलसहित सहभागिता जनाएका थिए ।
आयोजकका संयोजक अनिल यादवका अनुसार रथयात्रामा १० हजारभन्दा बढीले सहभागिता जनाएका छन् ।
श्रीकृष्णष्टमी रथयात्रा मूल समारोह समितिद्धारा आयोजना गरिएको रथयात्राका क्रममा सप्तरी युथ नेपाल, कसेरा समाज नेपालसहितका संघ–संस्थाद्धारा श्रद्धालुका लागि खानेपानी बितरण गरिएको थियो ।
