राजविराज । बोदे बर्साइन नगर व्यापार समितिका पदाधिकारीको पदस्थापन एवं शपथ ग्रहण कार्यक्रम सम्पन्न भएको छ ।
शुक्रबार आयोजित एक कार्यक्रमकाबीच नगर व्यापार समितिका पदाधिकारीको पदस्थापन एवं शपथ ग्रहण गरिएको हो ।
सप्तरी उद्योग वाणिज्य संघका अध्यक्ष लालु प्रसाद अग्रवालले नगर अध्यक्ष देबनारायण साहलाई र साहले अन्य पदाधिकारीलाई शपथ ग्रहण गराए ।
कार्यक्रमका प्रमुख अतिथि राष्ट्रिय सभा सदस्य मृगेन्द्र कुमार सिंह यादवले व्यापार कमजोर हुँदै गएपनि राज्यले ध्यान नदिएको बताए । उनले विभिन्न समस्या झेलिरहेका व्यापारीप्रति राज्यले गम्भीरतापुर्वक ध्यान दिनुपर्ने बताए ।
कार्यक्रममा संविधान सभा सदस्य सुरेन्द्र यादव, प्रदेश सभा सदस्य अनिरुद्द कुमार सिंह यादव, सप्तरी उद्योग वाणिज्य संघका अध्यक्ष लालुप्रसाद अग्रवाल, बोदे बर्साइन नगरपालिकाका प्रमुख आतेश सिंह यादवसहितकाले मन्तव्य व्यक्त गरेका थिए ।
बोदे बर्साइन नगर व्यापार समितिको अध्यक्षमा देबनारायण साह, वाणिज्य उपाध्यक्षमा राधेश्याम भगत, उद्योग उपाध्यक्षमा नागेश्वर प्रसाद साह, सचिवमा अनिल प्रसाद सिंह, काेषाध्यक्षमा ज्याेति अग्रवाल सर्वसम्मत चयन भएका छन् ।
राजकुमार यादव, मनोज कुमार यादव, मिथिलेश कुमार यादव, प्रमोद कुमार साह, महो देवी साह सोनार, अजहर अली, लक्ष्मी साह, महेश कुमार साह, पशुपति साह र आशुतोष कुमार यादव सदस्यमा चयन भएका छन् ।
कार्यक्रम लगतै राष्ट्रिय सभा सदस्य यादवले बोदे बर्साइन नगर व्यापार समिति कार्यालयको रिबन काटेर उद्घाटन समेत गरेका छन् ।
