राजविराज । राजविराज बसपार्कबाट सबै सबारी साधन संचालन गर्ने सहमति भएको छ ।
राजविराज २ राजदेवी चोकमा निर्माण भएर उद्घाटन भैसक्दा समेत बसपार्क संचालनमा आउन सकेको छैन ।
शुक्रबार जिल्ला प्रशासन कार्यालयमा बसेको सरोकारबाला, यातायात व्यवसायी एवं जेनजी प्रतिनिधिहरु समेतको उपस्तिथिमा बसेको बैठकले बसपार्क शनिबारबाटै संचालनमा ल्याउने सहमति भएको छ ।
यसका लागि शनिबार बिहान बसपार्कमा सम्पुर्ण सरोकारबालाको उपस्तिथिमा बैठक बस्ने निर्णय भएको छ । शुक्रबारको बैठकमा आउन नसकेका यातायात व्यवसायी प्रालिका प्रतिनिधिलाई समेत सहभागी गराएर बैठक बस्ने र त्यस पश्चात् बसपार्कबाट सबारी संचालनमा ल्याउने सहमति भएको राजविराज नगरपालिकाका कावा मेयर इसरत परबिनले जानकारी दिइन ।
जेनजीका प्रतिनिधिले संचालनमा नआए आफूहरू आन्दोलनमा उत्रिने चेतावनी दिएका छन् ।
बसपार्ककाे गत जेठ १५ गते उद्घाटन भएपनि अहिलेसम्म संचालनमा आउन सकेको छैन् ।
