परिष कर्ण ।
राजविराज । सप्तरीको छिन्नमस्ता गाउँपालिकामा सामाजिक संजालहरुको प्रयोगले हुने प्रविधिजन्य हिंसा, यसको असर तथा न्यूनीकरण गर्ने सन्देशसहितको सड्क नाटक मंगलबार प्रदर्शन गरिएको छ ।
लैंगिक हिंसा विरुद्धको १६ दिने अभियानको अवसर पारेर संयुक्त राष्ट्रसंघको खाद्य तथा कृषि संगठन (एफएओ) नेपालद्धारा गाउँपालिकाको वडा नम्बर ३ स्थित सखडा चोकमा सडक नाटक प्रदर्शन गरिएको हो ।
प्रविधिजन्य हिंसा यसका असर तथा न्यूनीकरणका उपायसहितको सन्देश दिदैं जनचेतनामूलक सडक नाटक प्रदर्शन गरिएको आयोजक संस्थाले जनाएको छ ।
लैंगिक हिंसा विरुद्ध प्रविधिको गलत प्रयोगबाट हुने हिंसा रोक्नुपर्ने सन्देश कलाकारहरुले अभिनय मार्फत् प्रवाह गरेको आयोजक संस्थाका फोकल पर्सन भवानी थपलियाले जानकारी दिए ।
सडक नाटकमा विजय लक्ष्मी फाउन्डेसन जनकपुरका कलाकारहरुले अभिनय गरेका थिए । सडक नाटक सम्पन्न गराउन आयोजक संस्थाका फिल्ड कोअर्डिनेटर अभिषेक यादवले सहजीकरण गरेका थिए ।
