राजविराज
तिलाठी कोईलाडी गाउँपालिकाको वडा नम्बर ३ बाल विवाह मुक्त वडा घोषणा गरिएको छ ।
तिलाठी कोईलाडी गाउँपालिकाको आयोजना तथा सेभ द चिल्ड्रेन र सेभ द सप्तरीको समन्वयमा आयोजित एक औपचारिक कार्यक्रममा गाउँपालिकाका उपाध्यक्ष, वडा नम्बर ३ का वडा अध्यक्ष, जनप्रतिनिधि, शिक्षक, स्वास्थ्यकर्मी, बाल क्लब, महिला समुह तथा स्थानियबासीको उपस्थितीमा वडा बाल विवाह मुक्त घोषणा गरिएका छन् ।
कार्यक्रममा बोल्दै तिलाठी कोईलाडी गाउँपालिकाका उपाध्यक्ष फुल कुमारी साहले बाल विवाहले बालबालिकाको शिक्षा, स्वास्थ्य र भविष्यमा नकारात्मक असर पार्ने भएकोले यसको अन्त्यका लागि सबैको साझा प्रयास आवश्यक रहेको बताईन् । उनले बाल विवाह पुनः नहोस् भन्ने उद्देश्यले निरन्तर अनुगमन तथा सचेतनामुलक कार्यत्रम सञ्चालन गरिने प्रतिवद्धता व्यक्त गरे ।
कार्यक्रममा सेभ द सप्तरीका अध्यक्ष बाल विवाह अन्यका लागि निरन्तर रुपमा संचालन गरिएका जनचेतनामुलक कार्यक्रम, निगरानी तथा सामुदायिक सहकार्यका कारण वडा बाल विवाह मुक्त घोषणा गर्न सफल भएकाेमा सबै वडा वासीहरुलाई बधाई दिएका छन् ।
कार्यक्रमको अध्यक्षता वडा नम्बर ३ का वडा अध्यक्ष रमेश कुमार मुखिया गरेका थिए भने कार्यक्रम संचालन तिलाठी कोईलाडी गाउँपालिकाका बाल कल्याण अधिकारी शैलेन्द्र कुमार सिंहले गरेका थिए ।
