जसपा नेपाल छोडेका तिवारी राष्ट्रिय मुक्ति पार्टीमा

राजविराज । जनता समाजवादी पार्टी (जसपा) नेपालका केन्द्रीय सदस्य विकास तिवारी राष्ट्रिय मुक्ति पार्टीमा प्रवेश गरेका छन् ।

शुक्रबार राजविराजमा आयोजित कार्यक्रममा तिवारी उक्त पार्टीमा प्रवेश गरेका हुन । पार्टीका अध्यक्ष राजेन्द्र महतोले उनलाई माला, गम्छा र अबीर लगाएर तिवारीलाई पार्टी प्रवेश गराए ।

तिवारीले बिहीबार जसपा नेपालबाट राजिनामा दिएका थिए ।

राष्ट्रिय मुक्ति पार्टी पहिचानवादी रहेकाले प्रवेश गरेको तिवारीले बताए ।