१७ भदौ । अत्यन्तै नाजुक अवस्थाबाट गुज्रिदैं गइरहेको छिन्नमस्ता गाउँपलिकाको शिक्षालाई सुधार्न जनप्रतिनिधीले सकृयता देखाएका छन् ।
शिक्षा क्षेत्रमा देखिएका समस्यालाई न्यूनिकरण गर्नका लागि जनप्रतिनिधीले शुक्रबार सबै सामुदायिक विद्यालयका शिक्षक बोलाएर छलफल गरेका छन् । कार्यक्रममा शिक्षकहरुले विद्यालयको शैक्षिक अवस्था र विद्यालयभित्र रहेका विभिन्न समस्या तथा कमिकमजोरीबारे बोलेका थिए ।
उनीहरुले विद्यालयमा देखिएका शिक्षकको अभाव, समयमा तलव नआउने, फर्निचरको अभावजस्ता समस्या सुनाएका थिए ।
त्यस अवसरमा बोल्दै गाउँपालिका अध्यक्ष विद्यानन्द चौधरीले शिक्षालाई राम्रो बनाउन शिक्षकहरुसँग आग्रह गरे । अपाmूले गर्न सक्ने हरेक सहयोग गर्न तयार रहेको भन्दै उनले विद्यालय समयमा आउन, नआउने बालबालिकालाई विद्यालयसम्म ल्याउन पनि आग्रह गरे ।
पालिका स्तरीय शिक्षा समितिका संयोजक समेत रहेका चौधरीले पालिका शिक्षा क्षेत्रमा रहेका सम्पुर्ण समस्याहरुलाई समाधान गर्ने तथा शैक्षिक गुणस्तर सुधार गर्ने र सम्पूर्ण विद्यालयहरुलाई व्यवस्थित गरी बिस्तारै नमुना किसिमको विद्यालय बनाउने प्रतिबद्धता पनि व्यक्त गरे ।
