उपेन्द्र यादवको नाम सप्तरी–१ बाट पनि सिफारिस

मधेश सम्वाददाता
राजविराज, १८ भदौ ।
जनता समाजवादी पार्टी (जसपा) का राष्ट्रिय अध्यक्ष उपेन्द्र यादवलाई प्रतिनिधी सभाको उम्मेदबारको रुपमा सप्तरी क्षेत्र नम्बर १ ले पनि सिफारिस गरेको छ ।
पार्टीको क्षेत्रिय समितिको शनिबार बसेको बैठकले अध्यक्ष यादवसहित तीन जनाको नाम प्रतिनिधी सभा निर्वाचनका लागि सिफारिस गरिएको छ ।
अध्यक्ष यादवसहित मधेश प्रदेशका सामाजिक विकास मन्त्री नवलकिशोर साह र अहिलेका प्रतिनिधी सभा सदस्य डा. सूर्य नारायण यादवलाई उम्मेदवारका लागि सिफारिस गर्ने निर्णय भएको क्षेत्रिय समितिले जनाएको छ ।
बैठकले विजुली वति देवी यादव, राम कुमार यादव, रेणु कुमारी नायक, रामेश्वर प्रसाद चौधरी, मन्जु महतो, रामेश्वर यादव, गर्भी परियार र चित्तरञ्जन यादवलाई समानुपातिकमा सिफारिस गरिएको छ ।