मधेश सम्वाददाता
राजविराज, २२ माघ ।
मधेश प्रदेशमा शिक्षा, विज्ञान, प्रविधि तथा वाणिज्य मन्त्रीमा नियुक्त भएका महेश प्रसाद यादवले आईतबार पदभार ग्रहण गरेका छन् ।
शुक्रबार मन्त्रीमा नियुक्त भएका यादव शनिबार शपथ लिदैं आईतबार पदभार ग्रहण गरेका हुन् । मन्त्री यादव जनमत पार्टीका संसदीय दलका नेता पनि हुन् । उनी सप्तरी क्षेत्र नम्बर २ को ख बाट निर्वाचित भएका छन् ।
पदभार ग्रहण गर्दै मन्त्री यादवले अगामी ५ वर्षमा मधेशलाई पूर्ण साक्षर घोषणा गर्ने पहिलो निर्णय गरेका छन् ।
उनले ४९.५ प्रतिशत मात्र साक्षर रहेको मधेश प्रदेशलाई आफ्नो कार्यकालमा पूर्ण साक्षर बनाउन शिक्षा सम्बन्धी प्रादेशिक नीति, कानुन, मापदण्ड तीव्रताका साथ निर्माण गर्ने र सोको प्रभावकारी कार्यान्वयनमा अग्रसर भई काम गर्ने प्रतिकृया दिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
