गहुँखेतमा घाँस काटेको आरोपमा महिलालाई कुटपिट

राजविराज । सप्तरीको डाक्नेश्वरी नगरपालिकामा गहुँखेतमा घाँस काटेको आरोप लगाउँदै एक दलित महिलालाई कुटपिट गरिएको छ ।
कुटपटबाट नगरपालिकाको वडा नम्बर ५ तरहीकी २५ बर्षीय गीता देवी सदा घाइते भएकी छन् । उनको स्थानीय अस्पतालमा उपचार भइरहेको छ ।
नगरपालिकाको वडा नम्बर २ हरिराहा टोल बस्ने जिबछ यादवले आफ्नो गहुँखेतमा घाँस काटेको भन्दै बुधबार दिउँसो कुटपिट गरेको घाइतेको परिवारजनले बताएका छन् ।
कुटपिट गरेका यादव फरार भएका छन् । उनको खोजी भइरहेको इलाका प्रहरी कार्यालय, पातोले जनाएको छ ।