राजविराज । सप्तरीको बजाज युथ एकेडेमी राजविराजमा भएको मिथिला कप टि–ट्वान्टी प्रतियोगिताको उपाधि जितेको छ ।
स्थानीय महेन्द्र बिन्देश्वरी बहुमुखी क्याम्पसको खेल मैदानमा बिहीबार भएको फाइनल खेलमा बजाजले केसीसी बारा टिमलाई २२ रनले पराजित गर्दै उपाधि जितेको हो ।
निर्धारित २० ओभरको खेलमा टस जितेर पहिले व्याटिङ गरेको बजाज, सप्तरी ८ विकेट गुमाएर १४३ रन बनायो । उसका लागि राज बर्मा ३९ र बसिर अहमदले २३ रनको योगदान दिए ।
बलिङतर्फ बाराका तिर्थरास दास ३ र भुलबन सहनीले १ विकेट हात पारे ।
प्रतिउत्तरमा व्याटिङ गर्न आएको बारा टिम निर्धारित ओभरमा ८ विकेट गुमाएर १२१ रन मात्रै बनाउन सक्यो । बाराका लागि पवन सर्राफ र तिर्थराज दासले समान २८÷२८ रन बनाए । बलिङतर्फ सप्तरीका बसिर अहमद ३ र बिपिन खत्रीले २ विकेट हात पारे ।
प्रतियोगितामा प्ल्येर अफ द म्याचको उपाधि बजाज सप्तरीका बसिर अहमद, इमर्जिङ प्लेयर बजाज, सप्तरीकै विशाल यादव, बेस्ट बलर सप्तरीको शक्ति स्पोर्ट क्लवका रसीद खान, बेस्ट व्याटसम्यान मकवानपुरका शुभ कन्साकर घोषित भए ।
प्रतियागितामा विजयी टिमलाई रु १ लाख, उप विजेतालाई रु ५० हजारसहित ट्रफी प्रदान गरिएको छ ।
