राजविराज । सप्तरीमा दलित संजाल जिल्लास्तरीय समिति गठन भएको छ ।
दलित सरोकार मञ्चले बिहीबार आयोजना गरेको जिल्लाभित्रको १८ वटै पालिकाका कार्यपालिका सदस्यहरुको भेलाबाट उक्त समिति गठन गरिएको हो । समितिले दलितको अधिकारका निम्ति काम गर्ने मञ्चका निर्देशक भोला पासवानले जानकारी दिए ।
बिष्णुपुर गाउँपालिकाका सदस्य अशोक कुमार रामको संयोजकत्वमा समिति गठन गरिएको छ । उपाध्यक्षमा सप्तकोशी नगरपालिकाका राजेन्द्र विश्वकर्मा, सचिवमा हनुमाननगर कंकालिनी नगरपालिकाका बिरेन्द्र राम, सह सचिवमा कंचनरुप नगरपालिकाका शोभा पासवान र कोषाध्यक्षमा राजविराज नगरपालिकाकी सोनी रजकलाई चयन गरिएको छ ।
सदस्यमा राजगढ गाउँपालिकाका उदयशंकर विश्वकर्मा, महादेवा गाउँपालिकाकी चन्द्रिका देवी खंग, रुपनी गाउँपालिकाकी अनारदेवी पासवान, शम्भुनाथ नगरपालिकाका शिबशंकर राम, तिरहुत गाउँपालिकाकी सिता देवी खत्बे, डाक्नेश्वरी नगरपालिकाकी रेणुदेवी विश्वकर्मा, सुरुङा नगरपालिकाका रामभगत राम, खडक नगरपालिकाका सिंघेश्वर मण्डल, तिलाठी कोइलाडी गाउँपालिकाकी नितु कुमारी खंग, छिन्नमस्ता गाउँपालिकाकी जानकीदेवी राम, बोदे बर्साइन नगरपालिकाका उतिमलाल मण्डल, अग्निसाइर कृष्णासवरन गाउँपलिकाकाका राधेश्याम राम र बलान बिहुल गाउँपालिकाका गौरीशंकर मण्डल छन् ।
सप्तकाशी नगरपालिका ४ का वडा अध्यक्ष जयराम खंग, खडक नगरपालिका २ का वडाअध्यक्ष हरेराम मण्डल र बिष्णुपुर गाउँपालिका ३ का वडाअध्यक्ष राजेन्द्र प्रसाद सदालाई समितिको सल्लाहकारमा चयन गरिएको छ ।
