शौचालय पसेर महिलाले लगाइन आफ्नै शरीरमा आगो, जलेर मृत्यु 

राजबिराज। सप्तरीकी एक महिलाले आफ्नै शरीरमा आगाे लगाएर ज्यान गुमाएकी छन् ।

जिल्लाकाे तिलाठी गाउँपालिका वडा नम्वर मिति ४ तेलियारी टोल बस्ने राजकुमार साहको श्रीमती ४० बर्षकि राजु देबि साहले आफ्नै शरीरमा आगो लगाएर आत्महत्या गरेको प्रहरीले जनाएको छ ।

घरमा कोही नभएको अवस्थामा घर बाहिर घरमा टासिएको शौचालय भित्र पसि आफ्नो जिउँमा आगो लगाई शौचालय भित्रै जलि उनको मृत्यु भएको सप्तरी प्रहरीका प्रबक्ता एवं डिएसपी नरेश कुमार सिंहले जानकारी दिए ।

उनले आफ्नै शरीरमा आगो लगाएको कारण खुल्न नसकेको प्रहरीले जनाएको छ ।

मृतक लासको मुचुल्का समेतको कार्य भई पोष्ट मार्टमको लागी गजेन्द्र नारायण सिंह अस्पताल तर्फ ल्याउने कार्य भईरहेको र यश सम्बन्धमा थप अनुसन्धान कार्य भईरहेको सप्तरी प्रहरीले जनाएको छ।