राजविराज । प्रजातन्त्र दिवसकाे अवसर पारेर आइतबार राजविराजमा रक्तदान कार्यक्रमको आयोजना गरिएको छ ।
नेपाली कांग्रेसकाे भातृ संगठन नेपाल विधार्थी संघ (नेवि संघ) र नेपाल दरुण दलद्वारा संयुक्त रूपमा गजेन्द्रनारायण सिंह अञ्चल अस्पताल प्राङ्गणभित्र रहेकाे रक्तसञ्चार केन्द्रमा रक्तदान कार्यक्रमको आयोजना गरिएको हो ।
जिल्लामा रगतको अभाव रहेकाले अन्य गतिविधिभन्दा रक्तदान कार्यक्रमकै आयोजना गरेको नेविसंघका जिल्ला अध्यक्ष राकेश ठाकुरले जानकारी दिए ।
कार्यक्रममा नितिश कुमार यादव, अस्मित कुमार दास,
मनिस कुमार साह, कृष्ण कुमार यादव, रविन्दर यादव
विधानन्द शर्मा, अशमा कुमारी चौधरी, सन्तोष कुमार राम, गजेन्द्र प्रसाद साह र ज्ञानेश्वर प्रसाद यादवले रक्तदान गरेका छन् ।
कार्यक्रममा नेपाली कांग्रेस जिल्ला सदस्य शम्भु लाल देव, ललिता कर्ण, सिमा रजकसहितको उपस्थिति रहेको थियोे ।
