मधेश सम्वाददाता
राजविराज, १५ बैशाख ।
सप्तरीको खडक नगरपालिकामा मनोनयन दर्ता गराएकामध्ये ५ जनाको उम्मेदबारी रद्द भएको छ ।
स्वतन्त्रबाट नगरको प्रमुखका लागि उम्मेदबारी दिएका इजहार अलीको उम्मेदबारी रद्द भएको छ । अन्य उम्मेदबारको समर्थकमा नाम रहेकाले उनको उम्मेदबारी रद्द गरिएको निर्वाचन अधिकृत मुहम्द मुन्नाले जानकारी दिए ।
यो नगरपालिकामा चार जना महिला सदस्य उम्मेदबारको उम्मेदबारी रद्द गरिएको छ ।
वडा नम्बर ३ मा जनमत पार्टीबाट उम्मेदबारी दिएकी पार्वतीदेवी साह, नेपाल लोकतान्त्रिक पार्टीबाट वडा नम्बर ८ मा उम्मेदबारी दिएकी पवित्रा श्रेष्ठ, वडा नम्बर ९ मा नेपाली कांग्रेसबाट उम्मेदबारी दिएकी चन्दा कुमारी र वडा नम्बर १ मा नेपाली कांग्रेसबाटै उम्मेदबारी दिएकी आरती कुमारी साहको उम्मेदबारी रद्द गरिएको छ ।
पार्वती देवी अन्य दलको प्रस्तावमा रहेकाले, पवित्राको अर्कै को मनोनयन दर्ता भएकाले, चन्दाको एउटै वडामा दोहोरो उम्मेदबारी र आरतीको अन्य उम्मेदबारको प्रस्तावमा नाम रहेकाले रद्द गरिएको निर्वाचन अधिकृत मुन्नाले बताएका छन् ।
