मधेश सम्वाददाता
महोत्तरी, १५ बैशाख ।
महोत्तरीमा विद्यालय नजिकै लागूऔषध बिक्री गरिरहेको आरोपमा प्रहरीले तीन जना युवकलाई पक्राउ गरेको छ ।
प्क्राउ पर्नेमा बर्दिवास नगरपालिका १४ बस्ने २३ बर्षीय दिनेश साह, २४ बर्षी पोटे भनिने रामबाबु महतो र २३ बर्षीय चकु भनिने जितबहादुर मगर रहेको प्रहरीले जनाएको छ ।
गाउँकै सेन्ट्रल पोइन्ट स्कुल नजिकै लागूऔषध बिक्री गरिरहेको सूचना पाएपछि इलाका प्रहरी कार्यालय बर्दिवासबाट खटिएको टोलीले तीनै जनालाई पक्राउ गरेको प्रहरीले जनाएको छ । उनीहरुको साथबाट नाइट्राजेपाम आइपी नाइट्राभेट–१० लेखिएको १ सय २२ थान ट्याब्लेट बरामद भएको महोत्तरी प्रहरीका प्रबक्ता एवं डिएसपी प्रकाश बिष्टले जानकारी दिए ।
पक्राउ परेकाहरुलाई नियन्त्रणमा लिई थप अनुसन्धान भइरहेको प्रहरीले जनाएको छ ।
यस्तै, महोत्तरीकै सोनमा गाउँपालिका ५ स्थित आपको बगैचाबाट प्रहरीले ८८ थान सौफी नामक रक्सी वेवारिसे अवस्थामा फेला परेको छ । यस सम्बन्धमा अन्य अनुसन्धान भइरहेको प्रहरीले जनाएको छ ।
