१७ बैशाख, सप्तरी । जनता समाजवादी पार्टी (जसपा) कंचनरूप नगरपालिका, सप्तरीले स्थानीय तहकाो निर्वाचनलाई लक्षित गरि घोषणा पत्र सार्वजनिक गरेको छ ।
घोषणा पत्रमा नगरपालिकाभरिका किसानलाई निःशुल्क विद्युत उप्लब्ध गराउने उल्लेख गरिएको छ । पार्टीबाट मेयरका उम्मेदवार भोला पासवानले आफू निर्वाचित भए खेतसम्म पोल गाडेर निःशुल्क विद्युत उप्लब्ध गराउने घोषणा गरे । उनले ज्येष्ठ नागरिकलाई नगरपालिकाको तर्फबाट थप १ हजार सामाजिक सुरक्षा भत्ता उपलब्ध गराउने बताए ।
घोषणा पत्रमा ६५ बर्षमाथिका ३० जना ज्येष्ठ नागरिकलाई पशुपतिनाथको तिर्थ यात्रा गराउने, नगरक्षेत्रभित्र औद्योगिक क्षेत्र स्थापना, बरमझियाको पेडालाई अन्तर्राष्ट्रिय क्षेत्रसम्म ब्रान्डको रुपमा प्रचारको ब्यबस्था, प्रत्येक वडामा खेल मैदान निर्माण गर्ने उल्लेख गरिएको छ ।
यस्तै, गर्भवती महिलालाई पोषण भत्ता बापत १० हजार, एकल महिलालाई बाषिक ५ हजार उपलब्ध गराउने, रोजगारका आधारमा पाठ्यक्रमको विकास गरिने घोषणा पत्रमा उल्लेख गरिएको छ ।
