राजविराज । ग्यास पाइप लिक भएर आगलागी हुँदा सप्तरीमा एक जना घाइते भएका छन् ।
जिल्लाको कंचनरुप नगरपालिका वडा नम्बर १२ वस्तीपुरमा आईतबार राति आगलागी भएको प्रहरीले जनाएको छ ।
बल्दै गरेको चुल्हाबाट ग्यास लिक भएर आगलागी हुँदा ६० बर्षीय खड्कनारायण श्रेष्ठ घाइते भएका हुन् । हात, खुट्टा र टाउकोमा पोलेर उनी घाइते भएका छन् । उनको स्थानीयस्तरमा उपचार भइरहेको सप्तरी प्रहरीका प्रबक्ता एवं डीएसपी नरेश कुमार सिंहले जानकारी दिए ।
आगलागीले उनको घरमा रहेको फ्रिज एक थान, चामल ३० किलो, दाल १० किलो, ब्ल्यांकेट ३ थान, चिरेको काठ, फर्निचर, लत्ताकपडासहितका सामान जल्दा रु ४ लाख बराबरको क्षति भएको छ ।
आगोलाई कंचनरुप नगरपालिकाको दमकल, नेपाल प्रहरी र स्थानीय मिलेर नियन्त्रणमा लिएका थिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
