राजविराज । सप्तरीको अग्निसाइर कृष्णासवरण गाउँपालिकामा महिलाहरूकाे महान पर्व जितियाको अवसरमा बुधबार ओट्घन खानपान तथा शुभकामना आदानप्रदान कार्यक्रमको आयोजना गरिएको छ ।
अग्निसाइर गाउँपालिकाले आयाेजना गरेकाे कार्यक्रममा पालिकाभरिका विभिन्न क्षेत्रका महिलाको सहभागिता थियाे ।
कार्यक्रममा महिलाहरुले जितिया पर्व सम्बन्धी चर्चा गर्दै गीत, नृत्य प्रस्तुत गर्दै एक अर्कालाई शुभकामना आदानप्रदान गरे ।
तराई मधेशका महिलाको महान र कठोर पर्व भएकाले गाउँपालिकाले नै याे कार्यक्रमको आयोजना गरिएको गाउँपालिकाका उपाध्यक्ष कल्पना चाैधरीले जानकारी दिइन् ।
उपाध्यक्ष कल्पनाकाे अध्यक्षतामा र अध्यक्ष दिनानाथ चौधरीको प्रमुख आतिथ्यमा आयोजित कार्यक्रममा कंचनरूप नगरपालिकाकि उप प्रमुख मुना पोखरेल, नेपाल पत्रकार महासंघका केन्द्रीय सदस्य ललिता साह, शिक्षिका काैशिला चाैधरी, स्वयंसेविका लता चाैधरीसहितकाले जितिया पर्वको शुभकामना दिएका थिए ।
