राजविराज । नेकपा एमाले बोदे बर्साइन नगरपालिका कमिटिमा विवाद देखापरेको छ । प्रदेश प्रतिनिधी छनौट गर्न शनिबार भएको निर्वाचनमा विवाद देखिएको हो ।
बोदे बर्साइन नगरपालिकाको सारस्वरस्थित एक विद्यालयमा भएको निर्वाचन एक पक्षले नाराबाजी गर्दै बष्हिकार गरेका छन् ।
पार्टीको सिस्टम र सर्कुलर अनुसार नगराई मनोमानी तरिकाले निर्वाचन गराएकाले आफूहरुले बहिष्कार गरेको एमाले जिल्ला कमिटि सदस्य एवं ४ नम्बर क्षेत्रिय सचिव जिबछ यादवले जानकारी दिए ।
उनले प्रदेश कमिटिले पठाएको सर्कुलरमा नयाँ सदस्यको हकमा असोज ९ गतेभित्र शपथ ग्रहण गराई मात्र मतदान गराउन भनिएपनि नगर कमिटि पदाधिकारीले मनोमानी गरेको बताए ।
उम्मेदबारको योग्यता ७ बर्ष, दलित तथा अपाङता भएका उम्मेदबारको समयावधी ५ बर्ष तोकिएपनि आफ्ना निकटका नयाँ व्यक्तिलाई समेत उम्मेदबार बनाएको यादवले बताए ।
उनले सधैं पार्टीका लागि काम गर्ने व्यक्तिलाई छाडेर नयाँ मान्छेलाई ल्याएर राखेको बताउँदै यसबिरुद्ध कानुनी उपचारको समेत खोजी गर्ने बताए ।
निर्वाचनस्थलमा नाराबाजी गर्दै यादव पक्षधर व्यक्तिहरु मतदान नगरी बाहिर निस्केका थिए ।
