राजविराज । राजविराज ७ स्थित राज रंगशालालाई अत्याधुनिक बनाईने भएको छ ।
रंगशालालाई राम्रो बनाउन यस पटक राष्ट्रिय याेजना आयाेग, मधेश प्रदेश सरकार र राजविराज नगरपालिकाले समेत बजेट विनियोजन गरेको छ ।
राष्ट्रिय याेजना आयाेगले समपूरक अनुदान अन्तरगत रू ८० लाख, नगरपालिकाले पनि त्यतिकै गरि रु १ करोड ६० लाख तथा मधेश प्रदेश सरकार अन्तर्गत भौतिक पुर्वाधार मन्त्रालयले रु १ करोड बजेट विनियोजन गरिएको छ ।
उक्त बजेटले रंगशालाकाे कस्ता-कस्ता काम गर्ने सम्बन्धमा सरोकारवालाले बिहीबार रंगशालाकाे निरीक्षण गरेका छन् ।
नगरपालिकाका कार्यवाहक प्रमुख इसरत परबिनको नेतृत्वमा सरोकारवालाले रंगशालाकाे निरीक्षण गरे । ‘याे बजेटले रंगशालालाई राम्रो बनाउने हाम्रो सोंच छ’ परबिनले भनिन्, ‘सरोकारवालासङ थप छलफल गरि काम अघि बढाइनेछ ।’
बजेटले चारैतिर घेराउ गरि प्याराफिट निर्माण, सटर, शौचालयसहित ब्यबस्थित बनाउने सोंच रहेको नगरपालिकाका प्रमुख प्रशासकीय अधिकृत बिष्णु गुरुङले जानकारी दिए ।
