राजविराज । सप्तरीमा पनि काकाकुलकाे स्थिति उत्पन्न भएको छ । पानी तान्ने कल सुक्दै गएपछि जिल्लामा खानेपानीको हाहाकार भएको हाे ।
साउनको पहिलो साता बित्दा समेत बर्षा नभएपछि पानीको सतह सुक्न थालेको हो । कल, मोटर समेतले पानी तान्न छाडेपछि जिल्लाको विभिन्न पालिकामा खानेपानीको हाहाकार देखिएको हो ।
खानेपानीको चरम अभाव देखिएपछी मधेश प्रदेश सरकारले उपलब्ध गराएको टयांकरबाट पानी बितरण गर्न थालिएको छ ।
प्रमुख जिल्ला अधिकारी भोला दाहालका अनुसार जिल्लाको रुपनी तथा राजगढ गाउँपालिकामा खानेपानी बितरण गरिएको छ ।
नेपाली सेनाको राजविराजस्थित बरख गण भलुवाही व्यारेककाे सहयोगमा पानी बितरण गरिएको उनलेे बताए ।
राजगढ गाउँपालिकाकाे वडा नम्बर ३ का ३६४ घरपरिवारलाई र रूपनी गाउँपालिकाकाे वडा नम्बर १ र २ का बासिन्दालाई पानी बितरण गरिएको छ ।
प्रमुख जिल्ला अधिकारी दाहालले पानीको अभाव भएका ठाउँमा आपूर्तिलाई निरन्तरता दिइने बताए ।
खानेपानी संस्थानको शुद्धीकरण गरिएको पानी बितरण गरिरहेको उनले बताए ।
