राजविराज । नेपाली कांग्रेस (विपी) का सह–महामन्त्री इन्द्रा अधिकारीले नेताहरुको स्वार्थका कारण देश बर्बादीको संघारमा पुगेको बताएकी छन् ।
राजविराजमा आयोजित पत्रकार सम्मेलनमा अधिकारीले एउटै नेताहरु बारम्बार देशको सत्तामा आइरहेकाले बताइन् । उनले जनताले पनि पटक–पटक एउटै नेतालाई जिताएपछि उनीहरुलाई मनमानी गर्न सजिलो भएको उल्लेख गरिन् ।
देशलाई सही बाटोमा ल्याउनकै निम्ति नेपाली कांग्रेसबाट अलग भएर आफूहरुले पार्टी बनाएको भन्दै अधिकारीले आफ्नो पार्टीलाई जिताउन सबैसँग आग्रह गरिन् । ‘देश र जनताको समस्या अन्य पार्टीले समाधान गर्नै सक्दैन’ उनले भनिन्, ‘हामी जनताको परिमर्कालाई नजिकबाट नियाँलेका छौं । हामी नै समाधान गछौं ।’
उनले आफ्नो अमूल्य मतलाई बेकार हुन नदिन र देश विकासका निम्ति, शिक्षा, स्वास्थ्यलाई निःशुल्क बनाउन आफ्नो पार्टीलाई मत दिनुपर्ने बताए ।
पत्रकार सम्मेलनमा पार्टीका नेता प्रदीप श्रेष्ठले आफूहरु बिना स्वार्थको राजनीति गर्न चाहेको बताए । ‘आफूहरुलाई देश र जनताको समस्या समाधान गर्नुबाहेकको कुनै स्वार्थ छैन्’ उनले भने ।
पार्टी निकट विद्यार्थी संगठनका महामन्त्री पार्थाे सरकारले आफ्नो पार्टीले शिक्षित र योग्य व्यक्तिहरुलाई उम्मेदबार बनाएको भन्दै जिताउन सबैसँग आग्रह गरे ।
सो अवसरमा कांग्रेस विपी पार्टीका जिल्ला अध्यक्ष सर्वेश्वरीदेवी झासहित पार्टीबाट उम्मेदबारी दिएका उम्मेदबारहरुको समेत सहभागिता रहेको थियो ।
