मधेश सम्वाददाता
राजविराज, ७ बैशाख ।
आगामी बैशाख ३० गते हुन गइरहेको स्थानीय तहको निर्वाचनमा आफूहरुको पनि सहभागिता हुनुपर्ने हरवाचरवाले माग गरेका छन् ।
सप्तरी जिल्ला हरवाचरवा अधिकार मंचले बुधबार राजविराजमा एक कार्यक्रमको आयोजना गरी निर्वाचनमा आफूहरुको पनि सहभागिता हुनुपर्ने बताए । मंचका केन्द्रीय अध्यक्ष दर्शन मण्डलले आफूहरुलाई राज्य र राजनीतिक दलले पनि पछाडि पारेर राखेको भन्दै चुनावमा आफूहरुको सहभागिता गराइनुपर्ने बताए । ‘पटक–पटक ध्यानाकर्षण गराउँदा पनि राज्य र राजनीतिक दलले हामीलाई हेरेको छैन’ उनले भने, ‘चुनावमा उम्मेदबार बनाए आफूहरुको पनि राजनीतिक चेतना र शक्ति बढ्छ ।’
कर्यक्रममा एमालेका नेता अशोक यादव, लोसपाका नेता जयनारायण यादवसहितकाले आफ्ना दलका नेताहरुको यसबारेमा ध्यानाकर्षण गराउने बतए ।
कार्यक्रममा राष्ट्रिय भूमी आयोगका जिल्ला अध्यक्ष हरेराम यादवले हरवाचरवाको माग सकारात्मक रहेको भन्दै यसतर्फ दलहरुले ध्यान दिनुपर्ने बताए । उनले भूमिहिनलाई लालपूर्जा बितरणका लागि आफूले प्रकृया शुरु गरिसकिएको बताए । तत्काल जिल्लाको दुई पालिका तिलाठी कोइलाडी र अग्निसाइर कृष्णासवरण गाउँपालिकामा प्रकृया शुरु भइसकेको र चुनावछि अन्य पालिकामा पनि शुरु गर्ने बताए ।
कार्यक्रममा नेपाल पत्रकार महासंघका अध्यक्ष श्रवणकुमार देव, अधिकारकर्मी मनोहर कुमार पोखरेलसहितकाले मन्तव्य व्यक्त गरेका थिए ।
