मधेश सम्वाददाता
राजविराज, ८ माघ ।
नेपाली कांग्रेस, सप्तरीले ८ जनालाई जिल्ला सदस्यमा मनोनयन गरेको छ ।
आईतबार बसेको जिल्ला समितिको बैठकले आठ जनालाई जिल्ला सदस्यमा मनोनित गरेको हो । मनोनित हुनेमा इर्साद अन्सारी, शम्भुलाल देव, रामु प्रसाद यादव, रामचन्द्र यादव, बलराम मण्डल, नन्द कुमार लगरबार, मोहम्द जिबरिल मियाँ र रामकुमार साह रहेका छन् ।
मनोनित भएकामध्ये इर्साद राजविराज नगरपालिकाका मेयरका प्रत्यासी थिए भने शम्भुलाल देव राजविराज नगरपालिका वडा नम्बर २ का प्रत्यासी थिए । रामचन्द्र यादव पूर्व स्वबियू सभापति हुन् । रामकुमार साह भने कांग्रेस जिल्ला पार्टीका सचिव हुन् ।
कांग्रेसले यसअघि बद्रीनारायण महात्मान, ध्रुबनारायण चौधरी र नन्दकिशोर यादवलाई जिल्ला सदस्यमा मनोनित गरिसकेको छ ।
आईतबारको बैठकले बद्री महात्मानलाई संगठन विभाग प्रमुखको जिम्मेबारी दिइएको छ भने नन्दकिशोर यादवलाई प्रबक्ताको जिम्मेबारी दिएको छ ।
